Një detektiv pretendon se Kina gënjeu botën për koronavirusin duke mbuluar shpërthimin, i cili po vret dhjetëra mijëra në mbarë botën.
Një dokument (dosje spiune) prej 15 faqesh, i marrë nga gazeta australiane “The Saturday Telegraph”, ka hedhur themelet për një çështje që po krijohet kundër Kinës, për trajtimin që ajo ka bërë ndaj sëmundjes vdekjeprurëse.
Detektivi, nga agjensitë e inteligjencës “Five Eyes” të SHBA-së, Kanadasë, Mbretërisë së Bashkuar, Australisë dhe Zelandës së Re, deklaroi se sekreti i Kinës rreth virusit çoi në një “sulm ndaj transparencës ndërkombëtare”.
Ai tha: “Megjithë provat e transmetimit nga njeriu tek njeriu nga fillimi i dhjetorit, autoritetet e PRC e mohojnë atë deri në 20 janar. Organizata Botërore e Shëndetit bën të njëjtën gjë. Megjithatë, zyrtarët në Tajvan ngritën shqetësime që në 31 dhjetor, ashtu si edhe ekspertët në Hong Kong ngritën shqetësime më 4 janar.”
Detektivi diskutoi gjithashtu për heshtjen e Kinës ose “zhdukjen” e mjekëve që u përpoqën të flasin për virusin, shkatërrimin e provave në laboratorë dhe refuzimin e dhënies së mostrave për shkencëtarët që po punonin për një vaksinë.
Dosja saktësisht detajon që Kina filloi censurimin e lajmeve për virusin nga 31 dhjetori. Sipas dokumentit, vendi fshiu termat përfshirë “variacionin SARS”, “tregu i ushqimeve të detit Wuhan” dhe “Pneumonia e panjohur Wuhan ” nga motorët e kërkimit.
Gazeta diskuton gjithashtu se si Kina vendosi ndalime të udhëtimit për njerëzit e saj, por u tha vendeve të tjera se kufizimet në lëvizje nuk ishin të nevojshme.
Zyra e Drejtorit të Shërbimit të Inteligjencës Kombëtare Richard Grenell tha: “Komuniteti i Inteligjencës gjithashtu pajtohet me konsensusin e gjerë shkencor që virusi COVID-19 nuk ishte i bërë nga njeriu ose i modifikuar gjenetikisht.
Burimi: RevistaClass
