Gjykata e Korçës ka dënuar me 4.8 vite burg Ligor Bibën, 54-vjeçarin që përdhunoi fqinjën e tij minorene.
Prokuroria kërkoi 8 vite burg për Bibën, ndërsa gjykata vendosi ta dënojë 7. Por për shkak se ai pranoi fajësinë për ngjarjen, dhe pas analizës së ADN-së, përfitoi ulje të 1/3 së dënimit. Përfundimisht ai do të vuajë dënimin prej 4.8 vitesh burg.
Advertisement
Por 15-vjeçarja mbeti shtatzënë nga ky përdhunim. Ajo e lindi fëmijën tre muaj më parë dhe e ka lënë në shtëpinë e Fëmijës në Tiranë. Viktima që tani është 16 vjeç, ka thënë më herët për Top Channel se është ndjerë e kërcënuar pasi familjarë të fqinjit i vinin shpesh i kërkonin që ta falte.
