Kanye West është rikthyer në ndarjen e cmimeve Grammy!
Pas një mungese gjashtë vjecare, rreperi 37 vjecar ka marrë pjesë në edicionin e 57-të të ndarjes së cmimeve Grammy.
Pasi eci në tapetin e kuq me bashkëshorten e tij, Kim Kardashian, West performoi edhe në skenë.
Fillimisht Kanye performoi para spektatorëve këngën e tij më të fundit “Only One”.
Kënga, e cila bën fjalë për mamanë e tij të ndjerë Donda West dhe vajzën 19 muajshe North West, u prezantua në një performancë shumë të thjeshtë. West tundej sipas ritmit ndërkohë që këndonte nën dritën e një prozhektori të vetëm në skenën e errët.
Më pas ai performoi edhe hitin tjetër më të ri “FourFiveSeconds”, në bashkëpunim me Rihanna dhe Paul McCartney. Të tre ishin veshur me kostume të njëjta të zeza.
