Shkrimtarja, piktorja dhe fotografja, Ornela Vorpsi, momentalisht ndodhet në Tiranë pas një mungese të gjatë, për të promovuar një ekspozitë personale.
Mbrëmjen e djeshme, ajo ishte e ftuar në Opinion me Blendi Fevziun, ku dha një intervistë për gjithë jetën e saj, që nga fëmijëria, e deri tek planet për të ardhmen.
Ndër rrëfimet e shumta, në një moment, Ornela u pyet për të motrën e saj nga babai, ish-zëdhënësen e Partisë Demokratike, Laura Vorpsi.
“Për momentin i kam prerë raportet me motrën time, sepse kemi etika të ndryshme, dëshira të ndryshme dhe ndjej se nuk kemi ç’të ndajmë me njëra-tjetrën. Kam nevojë për shkëmbim të thellë dhe të vërtetë. Kur nuk e kam nuk më intereson më njeriu, qoftë motër… Nuk kam më raporte. Këtë kam zgjedhur. Të mos kem më raporte.”, u shpreh ajo.
Intervistën e plotë mund ta ndiqni më poshtë:
Ekspozitën e Ornela Vorpsit mund ta shikoni në hollin protokollar të Kryeministrisë deri më 30 qershor.
