Këtë vit, janë tre shenja të zodiakut ato të cilat do të përjetojnë eksperiencën e hidhur të asaj që ndryshe e njohim si ‘zemër e thyer’. Edhe pse mund të jetë një realitet i hidhur, parashikimi i yjeve nuk sheh të ardhme të ndritur në këtë fushë për këto tre shenja në veçanti. Por, mos u shqetësoni, ky është thjesht një vit që do të lëmë pas si çdo tjetër…
Binjakët
Këtë vit do ta keni të vështirë të gjeni dikë që di ta vlerësojë si duhet karakterin tuaj. Ju keni një dhunti të lindur: t’i bëni të tjerët të ndihen sa më rehat nën prezencën tuaj dhe të adaptoheni në secilën prej situatave. Nga ana tjetër, është pikërisht kjo karakteristikë ajo që jua vështirëson rrugën në të gjeturit personin e duhur që duhet t’ia dhuroni këtë lloj rehatie. Për fatin tuaj të keq, këtë vit duhet ta kaloni duke ndërruar maskat e personalitetit, duke mos e gjetur kështu personin që do t’ju bëjë të jeni gjithmonë vetvetja. Por, ku i dihet, ndoshta 2019-a do t’ju gjejë përballë shpirtit tuaj binjak…
Peshorja
Jeni gjithmonë në kërkim të harmonisë dhe balancës të gjithçkaje në jetë. E urreni kur shihni sjellje keqtrajtuese ndaj të tjerëve ose kur vini re se njerëzit nuk janë në zonën e tyre të komfortit. Por, këtë cikël dymbëdhjetë mujor, do t’ju duhet të zgjoheni. Do ta kuptoni se sado që përpiqeni, jeta nuk është gjithmonë e drejtë. Do të përjetoni humbjen e personave që nuk meritojnë t’i humbisni, dhe si për të mos mjaftuar kjo, do të jenë ata që keni më shumë përzemër. Pas kësaj eksperience, do të arrini të kuptoni se jeta në vetvete është edhe një lojë e pakuptimtë fati.
Akrepi
Këtë vit do ta kuptoni se ku çalon personaliteti juaj dhe do të dilni në përfundimin se gjithçka po ju shkon ters, vetëm si pasojë e rrugëve të shkurtra që ndërmerrni në jetë. Do të jetë një vit i vështirë dhe duhet të përballeni me këtë. Nuk keni rrugë tjetër. Një dështim i radhës do t’ju ndriçojë të shihni realitetin: jo çdo lloj mbështetje garanton rrugën e plotë drejt suksesit. Këtë herë, personi që do t’ju thyejë zemrën do të jetë veçse vetja juaj!
