Elhaida Dani flet pas “Eurovision”: Emrin e Shqipërisë do ta çoj në skena të mëdha

epa04764507 Elhaida Dani representing Albania performs during the Grand Final of the 60th annual Eurovision Song Contest (ESC) at the Wiener Stadthalle in Vienna, Austria, 23 May 2015. There are 27 finalists from as many countries competing in the grand final. EPA/GEORG HOCHMUTH +++(c) dpa - Bildfunk+++

Pas pjesëmarrjes së saj në Eurovizion dhe “zhgënjimit” të marrë nga renditja dhe votimi këngëtarja Elhaida Dani ka reaguar për herë të parë.
Përmes një postimi të bërë në rrjetin social “Facebook”, Elhaida ka falenderuar të gjithë mbështetësit e saj dhe ka premtuar se emrin e Shqipërisë do e marrë me vete në skena të mëdha, duke thënë:
“Ndihem e përulur ndaj mbështetjes që më keni dhënë… Them me plot gojën që ia vlejtën muaj e muaj punë, fjalë të padrejta, netë të tëra pa gjumë dhe lodhje, pasi në këto ditë kam parë një komb të bashkuar si rrallë herë, për një këngë, për mua.”
“Të jesh në atë skenë nuk është e lehtë. Duke pasur përgjegjësinë të përfaqësoj vendin tim, më ka emocionuar shumë dhe ndoshta më mirë, pasi çdo tingull që kam nxjerr nga trupi im ka qënë i vërtetë, i saktë apo jo, ai ka qënë i sinqertë dhe i ndjerë si asnjëherë më parë.”
“Ky status është vetëm për ju, të gjithë ju që më mbështetët. Për votat e shumta që shpenzuat për mua, gjithë shqiptarët në të gjithë botën. Tani nuk duhet të mërzitemi pasi më besoni, do punoj shumë që emrin e Shqipërisë ta marr me vete edhe në skena më të mëdha.
Ju dua shumë vërtet! Ju përqafoj unë dhe familja ime që ju falenderon sinqerisht . Elhaida Dani”