Komediani amerikan Bill Cosby i serialit të famshëm të viteve ’80, “The Cosby Show”, u shpall fajtor për tre akuza për ngacmime seksuale dhe përdhunim, ku secila përmban 10 vite burg.
Aktori 80 vjeçar u akuzua nga Andrea Constand, një ish-punonjëse e Temple University, se e ka droguar dhe ngacmuar seksualisht në shtëpinë e tij në Filadelfia, në janar të vitit 2004.
Ai u deklarua fajtor për tre ngacmime seksuale, ku rrezikon nga 10 vite burg për secilën prej tyre.
Gjykata dëgjoi dëshminë e Andrea Constand, duke u shprehur vetëm pas 14 orë këshillimi.
Pozita e aktorit u rëndua, pasi edhe ish-modelja Janice Dickinson, dëshmoi kundër tij.
Cosby i ftonte viktimat e tij në shtëpi, duke pretenduar se do i ndihmonte me karrierën, më tej u jepte një koktej me valium, në mënyrë që ato të mos rebeloheshin.
Aktori është aktualisht 80 vjeç, ndërsa do të vijojë në liri deri në përfundimin e gjykimit në të gjitha shkallët e gjyqësorit.
