Aktori hollivudian Tom Cruise uli një helikopter në një aeroplanmbajtëse amerikane gjatë një mbërritjeje epike në tapetin e kuq në premierën e filmit të tij të ri të aviacionit ”Top Gun: Maverick”.
Ylli i Hollivudit tha se ishte një rast “tani ose kurrë” kur ai diskutoi planet për vazhdimin, i cili vjen 36 vjet pas publikimit të filmit hit të vitit 1986, ku Cruise në rolin e Maverick do të riprodhonte rolin e aviatorit të marinës amerikane, Pete Mitchell.
Yjet e tjerë përfshijnë Miles Teller, Jennifer Connelly, Monica Barbaro, Val Kilmer, Jon Hamm dhe Glen Powell.
Pasi u ul dhe hipi në aeroplanmbajtësen ”USS Midway”, në San Diego, Kaliforni, aktori falënderoi fansat dhe lavdëroi anëtarët e tjerë të kastit.
”Sigurisht që kjo është një përvojë e mrekullueshme dhe ajo që është bërë për audiencën dhe brezat është diçka që nuk mund ta imagjinoja kurrë”, theksoi aktori.
