Për herë të parë Tirana përzgjidhet si një nga 21 komunitetet inteligjente në botë mes vendeve si Toronto, Philadelphia, Rio de Janeiro, etj. Komuniteti i Tiranës është vlerësuar nga Intelligent Community Forum, një nga institucionet më serioze që studion zhvillimin social dhe ekonomik të komuniteteve të ndryshme në mbarë botën. Kryeministri Sali Berisha, nëpërmjet një mesazhi në rrejtin social “Faebook”, thekson se ky është një lajm shumë i mirë për ne të gjithë. Sipas Kryeministrit, në motivacionin e ICF ndër të tjera thuhet: “Në Tiranë shtrirja e internetit me brez të gjerë po rritet shpejt si rezultat i rritjes së disponueshmerise se tij dhe çmimeve shumë të ulta. Qëllimi i vendit eshte te behet “qender teknologjike” për rajonin dhe teknologjia e informacionit dhe komunikimit po shnderrohet ne nje sektor kryesor per ekonominë” dhe se “Qeveria shqiptare ka investuar ndjeshem në aplikimet e qeverisjes elektronike dhe ka inkurajuar sektorin privat t’i ofrojë sherbime dixhitale klienteve”. Komuniteti i Tiranës është vlerësuar nga ICF-ja, sepse ka arritur të kuptojë sfidat e mëdha që sjell nevoja e përdorimit të Teknologjisë së Informacionit dhe Komunikimeve (TIK) me brez të gjerë për bizneset e qytetarët dhe ka marrë hapa konkrete për të krijuar një ekonomi të aftë të përparojë nëpërmjet përdorimit të kësaj infrastrukture moderne të TIK. Ky është një tjetër vlerësim i impaktit pozitiv për sa i përket zhvillimit social dhe ekonomik të vendit në tërësi dhe i Tiranës si metropoli i Shqipërisë në veçanti, i projektit tashme 8-vjeçar të qeverisë “Shqipëria Dixhitale”. Ky Forum quan Komunitete Inteligjente, ato komunitete të cilat, nëpërmjet sfidave ose vizionit, arrijnë të kuptojnë sfidat e mëdha që sipërmarrjet ekonomike kanë me infrastrukturën e komunikimeve me brez të gjerë, dhe që kanë ndërmarrë hapa të vetëdijshëm për të krijuar një ekonomi të aftë të përparojë nëpërmjet kësaj infrastrukture. Sipas këtij forumi, me rënien e sundimit sovjetik në Europën Lindore ne fund të viteve 1990, ky kryeqytet, i nje prej vendeve me te varfa të kontinentit, filloi një udhëtim me rreziqe drejt shekullit të 21-të. Tirana është qendra tregtare dhe prodhuese e vendit, ku ndodhet gjysma e të gjitha kompanive shqiptare dhe ¾ e kompanive të huaja. Ajo është shtëpia e industrive në rritje të këpucëve dhe veshjeve, produkteve bujqësore, minierave, naftës dhe gazit, dhe turizmit. Më një normë të ulët të penetrimit të internetit të krahasuar me BE, tregu i internetit në vend ofron potencial të lartë rritjeje. Në Tiranë shtrirja e internetit me brez të gjerë por rritet shpejt si përgjigje ndaj rritjes së disponueshmërisë të tij dhe çmimeve shumë më të ulëta. Qëllimi i vendit është të bëhet një “qendër-teknologjike” për rajonin, me normën e penetrimit të broadband të barabartë më atë të BE dhe teknologjia e informacionit dhe komunikimit po shndërrohet në një sektor kryesor për ekonominë. Tirana është streha e të vetmit inkubator biznesi dhe ka parë një rritje domethënëse në numrin e bizneseve të reja në sektorë të ndryshëm, duke përfshirë reklamat, dizajnin, shërbimet kompjuterike, mediat dhe botimet. Strategjia kombëtare e zhvillimit fokusohet në zgjerimin e bazës së bizneseve nga të vegjël në të mesëm, duke përfshirë mikro-sipërmarrjet dhe nxitjen e një kulture sipërmarrëse. Qeveria shqiptare ka investuar ndjeshëm në aplikimet e qeverisjes elektronike dhe ka inkurajuar sektorin privat t’i ofrojë shërbime dixhitale klientëve, si veprimet bankare (banking) online. Si Tirana edhe vendi po ecin përpara shumë mirë: Indikatorët e Doing Business të Bankës Botërore treguan se Shqipëria ka avancuar nga vendi i 136 në 2007 në vendin e 82 në 2010. Në vitin 2009 arriti vendin e dytë më të lartë midis 10 reformatorëve kryesues në botë. Vazhdimi i sukesesit do të varet nga implementimi i politikave të duhura, duke e drejtuar suksesshëm procesin për t’iu bashkuar BE dhe duke shfrytëzuar efektivisht marrëdhënien që do të rezultojë.
