Aktori Dwayne “The Rock” Johnson u bë baba për herë të tretë, pasi e dashura e tij, Lauren Hashian solli në jetë një vajzë.
Lajmin e lumtur, aktori e ndau vetë me ndjekësit e tij, Lauren Hashian solli në jetë një vajzë. Instagram ku postoi foton më të ëmbël me vogëlushen e tij të vogël, Tiana Gia.
“The Rock” na emoicioni të gjithëve me fjalët që ka shkruar krah fotos në Instagram.
“Lëkurë mbi lëkurë. Fuqia jonë. I bekuar dhe krenar që sjell në jetë një tjetër vajzë të fortë. Tiana Gia Johnson u soll në jetë si forcë e natyrës dhe mami Lauren lindi si një yll rroku. Unë u rrita i rrethuar nga gra të forta, por pasi mora pjesë në lindjen e bebushes Tia, e kam të vështirë të përshkruaj nivelin e ri të respektit, dashurisë dhe admirimit që kam për Lauren dhe për gjithë nënat. Një fjalë për ju djema të zgjuar. Është shumë e rëndësishme të jeni pranë të partneres suaj kur ajo është duke lindur. Jini sa më suportivë, mbajini duart, këmbët, çfarë të jetë e nevojshme. Por nëse doni të kuptoni momentin më të fuqishëm e më primal në jetë, shihni fëmijën tuaj teksa lindet. Të ndryshon jetën dhe respekti e admirimi që do të kesh për gruan tënde do të jetë i pafundë, përjetë. Vajzës sime të tretë, Tiana Gia – ashtu si u thashë motrave tua më të mëdha kur u lindën – të jap fjalën se do të të dua, do të të mbroj, do të të udhëzoj dhe do të të bëj për të qeshur sa të kem jetë. Babai jot i çmendur ka shumë përgjegjësi dhe merr shumë role në këtë botë të madhe, por të qenit babai jot është roli më i rëndësishëm që do të marr ndonjëherë”,– ka shkruar aktori.
