‘Sozia’ e David Beckham kërkohet nga policia britanike për ‘vjedhje materialesh ndërtimi’.

Ai që mediat britanike quanin “sozia e David Beckham” raportohet se është në kërkim nga policia pas vjedhjes ‘ordinere’ të disa objekteve në një dyqan materialesh ndërtimi, në Hertfordshire në Britaninë qendrore.

Policia kishte publikuar një imazh të burrit nga kamerat e sigurisë në llogaritë e saj sociale.

Advertisement

Por në vend të bashkëpunimit të publikut për kapjen e shkelësit, shumë përdoruesve u tërhoqi vëmendjen ngjashmëria e fytyrës së tij me ish-yllin e futbollit vendas.

Policia shkruante: “A e njihni këtë burrë? Ai mund të na ndihmojë me hetimet për vjedhjen e disa artikujve në dyqanin #BishopsStortford.”

Dhe një prej përdoruesve u përgjigj shpejt: “Ju ndihmoj unë, është David Beckham, s’ka asnjë ndryshim.’

Ndërsa një përdoruese femër nuk ishte e bindur, ajo përgjigjej: “Nëse ai është David Beckham, atëherë unë jam Victoria Beckam!”

Sozi të tjera të Beckham janë bërë dhe më parë objekt të tallurash në rrjetet britanike siç ishte në vitin 2018 kur rrjeti vendas Channel 4 kishte transmetuar një serial dokumentarësh me titull ‘Lookalikes’ (Sozitë).