Policia është vënë në kërkim të të dyshuarve menjëherë pas ngjarjes së rëndë që ka ndodhur me një 17-vjeçare, e cila është sulmuar seksualisht.
Ngjarja ka ndodhur në Londër, ndaj një adoleshenteje, e cila ka qenë duke u kthyer për në shtëpi. Ajo është ndarë nga miqt e saj dhe policia beson se rrugës studentja është sulmuar seksualisht në tre raste të ndryshme brenda vetëm një ore.
Pas skandalit janë hapur kamerat e qytetit dhe vihet re se vajza ka qenë duke u mbajtur nga një mashkull, i cili besohet të jetë dhe i dishuari i parë. Imazhet nuk janë shumë të
qarta ndaj dhe nuk është e mundur dot një skicë e tij. Pas sulmit të parë, vajza ka filluar të ecë e çorjentuar, dhe disa blloqe më poshtë vajza është parë të ndiqet nga një tjetër i dyshuar.
I dyshuari i dytë është parë duke e shtyrë vajzën poshtë një peme, ku kanë qëndruar për disa minuta. Dhe sulmi i tretë besohet të jetë bërë nga një tjetër mashkull, i cili pasi ka qëndruar për pak në zonën ku vajza është sulmuar, ka lëvizur dhe i është bashkangjitur një grupi djemsh, që po qëndronin disa metra më poshtë.
Policia është ende duke investiguar dhe besohet se vajza është droguar, duke mos qenë e ndërgjeshme për ngjarjen që ka ndodhur dhe e paaftë për tu vetëmbrojtur. Ndërkohë Londra ka vënë alarmin për 3 të dyshuarit e kësaj ngjarje të rëndë.
