Një nga “ëngjëjt” e njohur të “Victoria’s Secret”, Lily Aldridge, është në muajin e pestë të shtatzënisë dhe kjo gjë nuk e ka penguar aspak që të shfaqet më bukur se kurrë në sfilatën e “Brandon Maxwell” në Javën e Modës në New York.
Aldridge dukej kaq elegante e veshur me një fustan të kuq që nxirrte më në pah barkun e rrumbullakosur.
“Kaq krenare që po sfiloj për @brandonmaxwell në muajin e pestë të shtatzënisë! Kam qenë në shumë pasarela gjatë jetës sime, por këtë moment nuk do ta harroj kurrë. Faleminderit Brandon që më lejove të shkëlqej e u tregove një gentleman i vërtet. Të dua!”, shkruan ajo.
Në fakt kjo nuk është hera e parë që një Lily sfilon shtatzënë në pasarelë. Kjo ka ndodhur edhe në 2011-ën në pasarelën e “Victoria’s Secret” kur 32-vjeçarja priste vogëlushen Dixie Pearl Followill nga martesa me themeluesin e grupit “Kings of Leon, Caleb Followill.
