“Mezi pres të bëhem 60”, këngëtarja Adele feston sot ditëlindjen

Adele, një nga këngëtaret më të pëlqyera në botë, feston sot ditëlindjen. Fituesja e çmimit Grammy ka mbushur 34 vjeç.Ylli i muzikës ka publikuar dy fotografi në Instagramin e saj ku shfaqet e veshur me një fustan të personalizuar të Carolina Herrer.

Krahas fotove, Adele shprehet se ndihet më e lumtur se kurrë.

Advertisement

“Çfarë ndryshimi bën një vit! Nëse koha vazhdon të shërojë dhe të zbusë të gjitha rrudhat në jetën time, ashtu siç ikin vitet, atëherë mezi pres të bëhem 60 vjeç. Nuk kam qenë kurrë më e lumtur! Kaq shumë mësime, kaq shumë bekime për të cilat duhet të jem mirënjohëse.

Ky është vitit i 34 dhe më pëlqen! Faleminderit për dashurinë që më jepni si gjithmonë”, ka shkruar këngëtarja.

Adele bëri një pushim të gjatë prej 6 vitesh, duke qëndruar larg vëmendjes mediatike dhe eventeve muzikore, por tani është rikthyer dhe duket shumë e lumtur.