“Mendoja se kisha migrenë, por isha shtatzënë !” Almeda tregon të pathënat e shtatzënisë

Almeda Abazi duket se po i shijon në maksimum javët e fundit të shtatzënisë e ndërkohë të gjejë dhe kohën për të qëndruar në kontakt me fansat e saj, kureshtja e të cilëve është jo pak e vogël. Bukuroshja 26-vjeare është në pritje të fëmijës së parë me aktorin turk Tolgahan Sayisman. Që kur mësoi gjininë e foshnjes (djalë) e deri tek nepset, Almeda ndjen kënaqësinë të ndaj thuajse gjithka online e për këtë jemi të gëzuar.

Edhe këtë herë përmes rrjetit social Instagram, ish-misi u ka dhënë mundësinë ndjekësve t’i bëjnë pyetje lidhur me shtatzëninë,  Almeda ka treguar se është në dy muajt e fundit të pritjes së ëmbël dhe deri më tani ka shtuar 10 kilogramë Por sipas saj do të shtojë më shumë kilogramët në muajin e tetë dhe të nëntë, pasi nuk ndalon së ngrëni. Megjithatë bukuroshja shqiptare shprehet se nuk shqetësohet për këtë gjë e nuk ka treguar kujdes të veçantë gjatë shtatzënisë, pasi dëshiron të shijojë çdo gjë.

Gjithashtu ajo pyetet edhe për mënyrën sesi ia tha lajmin e shtatzënisë bashkëshortit të saj. “Në fakt e zbuluam së bashku, sepse unë nuk ndihesha mirë. Kohët e fundit kisha dhimbje koke dhe shkova për ta parë nëse vuaja nga migrena apo diçka e ngjashme. Por jo, ishte djali im, kështu që ka qenë një shokim i vërtetë dhe lot lumturie në të njëjtën kohë”, ishte përgjigja e Almedës.

/Living/