Pas përfundimit të spektaklit “Shiko Kush Luan”, Luana Vjollca po e shijon në maksimum këtë periudhë pushimi.
Vetëm një javë më parë, ajo ndodhej në St.Moritz të Zvicrës, një prej destinacioneve më luksoze për pushime dimërore, së bashku me partnerin Krenar Çoçaj, motrën Marina Vjollcën dhe bashkëshortin e saj, Getoar Selimin.
Por nëse menduat se pushimet mbaruan për të, e keni gabim. Së fundmi Luana e ka braktisur sërish Shqipërinë për të udhëtuar drejt Italisë, në qytetin që tashmë është në vëmendjen e të gjithëve.
Siç ka bërë të ditur moderatorja e njohur, ajo ndodhet në Milano, ku momentalisht po mbahet Java e Modës. Mos ndoshta edhe Luana do jetë në rresht të parë të ndonjë sfilate?
Java e modës ka nisur të mërkurën dhe pritet të përfundojë të martë më 27 shkurt.
