Shpend Ahmeti, kryetar i Këshillit Drejtues të Partisë Fryma e Re prezantoi edhe vizionin e Frymës së Re për qeverisje të përbërë nga pesë shtylla kryesore, me qëllim të përmirësimit të jetës së qytetarëve të Kosovës. “Fryma e Re e sheh politikën në shërbim të qytetarit e jo si vegël për të përmbushur interesat personale të individëve të caktuar. Ky është koncepti rreth të cilit janë bashkuar kandidatët që i prezantuam dhe të tjerët që po vazhdojnë t`i bashkohen “Frymës së Re ” anekënd Kosovës”, theksoi Ahmeti. Kosovës i nevojitet kjo që “Fryma e Re” po sjell, integriteti, vizioni i qartë se çfarë duhet bërë dhe profesionalizmi për t`i bërë politikat që e çojnë Kosovën drejt një jete më të mirë për të gjithë qytetarët.
