Balerini i njohur, Kledi Kadiu do të kthehet në Shqipëri, për tu bërë pjesë e një spektakli kërcimi.
“Anabel” shkruan se 44-vjeçari do ti bashkohet jurisë së “Dance with me”, në Tv Klan, në sezonin e ardhshëm të këtij programi.
Advertisement
Kledi Kadiu është një ndër balerinët më të famshëm shqiptarë, i cili zhvillon karrierën e tij të suksesshme në Itali. Ai është baba i një vajze të quajtur Lea dhe në pak ditë po përgatitet të lidhë kurorë me partneren Charlotte Lazzari.
Ceremonia do të zhvillohet në Romë, buzë liqenit të Braçianos më datë 18 të këtij muaji.
Dasma e balerinit të famshëm shqiptar mendohet të jetë një “shfaqje” më vete, pasi në të pritet të marrin pjesë personalitete të njohur si Maria de Filipi, Ambeta Toromani, Ermal Meta etj…
