Suedia dhe Britania e Madhe janë dy shtetet popujt e të cilëve ushqehen më keq në Europë thotë studimi për shkak të shijeve të tyre për konsumimin e salçiçeve, kekëve, ushqimeve të gatshme, biskota, puding dhe pije të gazuara.
Sipas ekspertëve miliona njerëz janë në rrezik për shkak të të obezitetit, diabetit të tipit 2 dhe sëmundjeve të zemrës pasi konsumojnë ushqime të përpunuara të pasura me sheqer, yndyrë dhe kripë.
“Kjo është shqetësuese. Shumica e këtyre ushqimeve janë zakonisht shumë të ulëta në mikroelemente dhe zakonisht të larta në sheqer ose ëmbëlsues artificial, si dhe yndyrë dhe kripë. Më keq akoma, ato shoqërohen me rrezik për shkallë të lartë të obezitetit, veçanërisht te fëmijët dhe rrezikut të sëmundjeve kronike si diabeti i tipit 2.” thonë ekspertët e të ushqyerit nga Universiteti Glasgow.
Ngrënia e sasive të vogla të ushqimeve ultra të përpunuara si simite, ëmbëlsira, patate të skuqura apo salca të gatshme, nuk mendohet të jetë e dëmshme. Por ekspertët janë gjithnjë e më të shqetësuar për varësinë e dukshme në rritje të britanikëve prej tyre.
Një studim nga Instituti i Mjekësisë Tropikale në Belgjikë, analizoi të dhënat mbi zakonet e të ngrënit të miliona njerëzve në mbarë Evropën, të mbledhura nga Autoriteti Evropian i Sigurisë Ushqimore.
Këto shifra zbuluan se konsumi i energjisë ditore nga ushqimi sigurohej nga ushqimet ultra të përpunuara, ndërkohë që pjesa më e madhe e marrjes së energjisë duhet të vijë nga ushqimi i shëndetshëm dhe i freskët.
Studiuesit krahasuan zakonet e të ngrënit në 23 vende, përfshirë Britaninë e Madhe. Rezultatet, të publikuara në Gazetën Evropiane të të ushqyerit, tregojnë se në Itali, ku shumë njerëz kanë një dietë të shëndetshme mesdhetare, ushqimet e gatshme, ushqimet e lehta dhe pijet me gaz përbëjnë vetëm rreth 13% të marrjes ditore të kalorive të çdo personi.
Por në Mbretërinë e Bashkuar, shumica e njerëzve marrin pothuajse 40% të marrjes së tyre ditore të energjisë nga mallrat e përpunuara, pak më pak se Suedia dhe më keq se Gjermania dhe Holanda. Shumica e vendeve të tjera duket se po reduktojnë marrjen e këtyre ushqimeve, por në MB duket se është në rritje.
Ushqimi i dobët dhe mënyra e jetesës kanë nxitur një epidemi të obezitetit në MB. Anketa Shëndetësore 2019 për Anglinë tregon se 28 për qind e të rriturve janë obezë dhe 36 për qind të tjerë janë mbipeshë.
Ndërkohë, rastet e diabetit të tipit 2 në Mbretërinë e Bashkuar janë dyfishuar në 15 vitet e fundit duke përfshirë pothuajse pesë milionë njerëz.
