Një intervistë e pazakontë mes ish presidentit amerikan Barack Obama dhe Princit Harry u realizua ditën e djeshme, për rreth 40 minuta. Një intervistë si rrallë herë më parë, Princi i bën pyetje një ish presidenti dhe personazhi mjaft të dashur, jo vetëm për Amerikanët. Princ Harry ishte i ftuari special nga BBC Radio 4 i cili pati rolin e intervistuesit, një traditë që BBC ndjek me personazhet më të lakmuar gjatë fundit të vitit. Në fillim të intervistës Barack Obama foli rreth shqetësimit të tij mbi ndikimin e mediave sociale që sipas tij transformojnë të vërtetën, raportet me bashkëshorten e tij Michele e ndërsa më pas, Princ Harry e pyeti në lidhje me preferencat e tij, personazhet, filmat me disa pyetje rrufe.
Princi e pyeti nëse pëlqente më shumë filmin ‘Suits’ apo ‘The Good Wife’, Obama iu përgjigj Suits, (ndoshta për t’i bërë qejfin se në filmin Suits luan aktorja Meghan Markle, e fejuara e tij amerikane), ndërsa Harry i thotë se ishte përgjigje e shkëlqyer. Harry e pyeti nëse pëlqen më shumë Princin William apo atë vetë (Harry-n)? Obama iu përgjigj: “Thjesht Harry, në këtë moment.”
Lëxoni pyetjet e tjera që kërkojnë një përgjigje të shpejtë me një fjalë:
Bokse apo pantallona të shkurtra? – Obama nuk iu përgjigj.
Basketbollistin LeBron James apo Michael Jordan? -Jordan, më pëlqen James, por jam nga Çikago.
Këngëtaren Aretha Franklin or Tina Turner? -Aretha është më e mira..
Rachel apo Monica?– Më pëlqen Rachel. (Nga seriali Friends)
Kim Kardashian apo Chloe? -Kam nevojë për kohë që t’i përgjigjem kësaj.
Filmin Titanic apo The Bodyguard?– Tianic ishte përgjigja e Obamës.
Cigare apo çamçakëz? – Çamçakëz tani ‘baby’, thotë Obama.
Shtëpinë e Bardhë apo Buckingham Palace (Angli)?– Shtëpinë e Bardhë, vetëm sepse Buckinghal Palace duket se do shumë kohë që të ngjitesh.
Këngëtarin e Queen apo Mbretëreshën Elisabeth? – Obama preferon mbretëreshën.
The Rock (pseudonimi i aktorit) apo aktorin tjetër Chris Rock?– Pyejte interesante, i pëlqej të dy.
Dhe pyetja e fundit: Ke pesë dollarë në xhep. Do blije një burger (hamburger) apo një biletë lotarie? – Varet se sa i mirë është burgeri, por preferoj të zgjedh burger.
