Janë të shumtë ndjekësit që mendojnë se Kiara Tito është akoma brenda shtëpisë së “Big Brother Vip” falë Luizit.
Romanca me këngëtarin e ka vendosur në qendër të vëmendjes.
Moderatorja ka treguar një qetësi në shtëpi, duke mos marrë pjesë në debate të ndryshme.
Mirëpo fakti që një njeri është i qetë dhe me edukatë, nuk do të thotë që nuk di të debatojë apo të flasë në situata që mendon të arsyeshme.
Së fundmi, Kiara “është kapur” me Oltën për Armaldon. Teksa ndodheshin në dhomën e gjumit dyshja kanë debatuar.
Debati ka nisur kur Kiara ka ndërhyrë duke i kërkuar Oltës ta lërë të qetë Maestron, i cili ishte i mërzitur. Sipas moderatores sjelljet e aktores sikur po përpiqej ta qetësonte tenorin ishin të sforcuara dhe fallco.
“Boll pra e mërzite më keq. Qetësohu, qetësohu! Do të qetësohet ai se i thua ti,”-iu drejtua Kiara Oltës.
Sigurisht që Gixhari iu kthye duke i kërkuar të mos ndërhyjë në atë që ajo flet.
