A ka ndonjë që vazhdon ti pëlqejë rrjetet sociale? Kohët e fundit shumë personazhe të njohur kanë dal kundër.
Ish presidenti i Facebook, Sean Parker shprehu shqetësimin për trurin e fëmijëve nga mediat sociale. Dhe administratori i Apple, Tim Cook, tha se nuk do e lejonte nipin e tij të qëndronte pranë tyre.
Por, tashmë Facebook ka një kudërshtar tjetër, dhe ai është Nicolas Cage. Aktori mjaft i njohur shprehu ndjesitë e tij ndaj rrjetit social, në Sundance Film Festival në Park City, Utah.
“I urrej rrjetet sociale. Jam nga një kohë tjetër. Më vjen të ulëras. Nuk kam as Twitter, as Facebook apo Instagram”, e nis Cage. Ai është partizan i kohës së vjetër. “Unë dua të mbaj çdo gjë të epokës së artë, aurën misterioze sepse nuk dua të jem pjesë e atij klubi”, ka thënë ai.
