David dhe Victoria Beckham janë një nga çiftet më afatgjatë të botës së showbizit ndërkombëtar dhe duket se marrëdhënia e tyre është mjaft e fortë.
Megjithatë, fotot e shkrepura gjatë ndeshjes së Paris Saint-Germain dhe Real Madridit këtë të martë mund ti hapin probleme çiftit, pasi kjo ndeshje ka bërë bashkë yllin e futbollit, David Beckham dhe supermodelen, Bella Hadid.
Ata janë fotografuar së bashku në stadium dhe duket qartë se vëmendja e tyre nuk ishte aspak tek loja por tek njëri-tjetri. Sipas mediave të huaja David e kishte të pamundur të fshihte kënaqësinë që pranë tij ndodhej një vajzë e bukur si Bella Hadid.
Kujtojmë faktin se Victoria është mjaft xheloze për David, dhe këtë e ka shprehur në mjaft raste. Si mund të reagojë ikona e modës pasi të shohi këto foto?
