Një foto e Dakota Johnson ku duket sikur po sheh vjedhurazi, Angelina Jolie ndërsa Jennifer Anniston prezantonte në Golden Globes, bëri xhiron e internetit që pas asaj mbrëmjeje.
Dhe Johnson i konfirmoi me një të qeshur, Jimmy Fallon kur ai e pyeti mbrëmë, që ajo nuk e mohonte që pikërisht këtë po bënte. “Por të njëjtën gjë po bën gruaja e Armie Hammer-it dhe Elizabeth Chambers”, ka treguar Johnson në foto. “Ajo po mendon ‘Çfarë po bën ajo?’ Dhe unë po mundohesha të mos bija në sy.”
Megjithatë në atë foto ajo nuk po sheh në të vërtetë nga Angelina.
“Sinqerisht, nuk mendoj që po shoh atë, sepse nëse sheh këndin e syve të mi nuk bie mbi të”, sqaroi Dakota.
Po kë po shikonte atëherë?!
“Në fakt isha duke parë kastin e serialit “Stranger Things”, ka thënë Johnson. “Dhe mua më pëlqen “Stranger Things” aq shumë, sa desha t’i dërgoja një mikeshe një foto si ato që i kam aq shumë inat që të bëjnë njerëzit kur je në restorant dhe e bëra atë pamje në Golden Globes para gjithë njerëzve të njohur.”
Johnson e kaloi duke qeshur gjithë intervistën që ishte vërtet argëtuese dhe nuk përmbante vetëm ndodhinë e Golden Globes.
