Dhe pse sot ajo është 90 vjeç, ka dashur të rrëfej një peng të madh të rinisë së saj.
Po flasim për aktoren italiane 90-vjeçare, Gina Lollobrigida, e cila ka rrëfyer një “peng” të së shkuarës, kur në moshën 18-vjeçare është përdhunuar nga një ish-futbollist i famshëm i Lazios. Lajmi i bujshëm është raportuar këtë të enjte nga e përditshmja italiane “Libero”.
Ata të dy kishin nisur një marrëdhënie, e më pas u ndanë.
Lollobrigida kishte pranuar asokohe një ftesë për një festë të organizuar nga futbollisti, por kishte mbetur e habitur kur nuk kishte parë askënd tjetër, veç ish-të dashurit të saj, që e kishte siguruar se të tjerët do të vinin shumë shpejt.
Ndërkohë, ai i kishte ofruar për të pirë dhe më pas nuk mban mend çfarë ka ndodhur, vetëm se kur ishte zgjuar e kishte parë veten tërësisht të zhveshur.
“Turpin e kam mbajtur përbrenda, edhe pse kishte një peshë të rëndë. Ndihesha e shkatërruar, por shumë shpejt do të martohesha me burrin tim për të kaluar traumën, e jo se isha e dashuruar vërtet me të. Isha e hutuar për disa ditë me radhë. Pak nga pak nisa të kuptoja se atë natë isha dhunuar seksualisht. Ishte një vendim që doja ta injoroja e të mos e besoja. Doja ta harroja më mirë për të ecur përpara. Me atë humba virgjërinë”.
