Mbyllet protesta e opozitës, lirohen 4 akset kombëtare

Protesta e opozitës, e cila bllokoi 4 nga akset kryesore kombëtare në vend, është mbyllur pak pas orës 12 të mesditës.

Protesta u zhvillua në Vorë, Milot, Elbasan dhe Lushnje. Kreu demokrat ishte në Vorë, ndërsa në Bradashesh të Elbasanit ishte kryetarja e LSI, Monika Kryemadhi.
Kreu i PD u shpreh se opozita do të jetë në krah të qytetarëve dhe kundër regjimit privat kriminal. Ndërkohë, Kryetarja e LSI-së Monika Kryemadhi u shpreh se nuk ka demokraci me stabilitet të krimit.