“Diamonds” është njëra nga këngët e “Unapologetic”, albumit të shtatë të Rihanna-s.
Kënga u shkrua nga Sia Furler në bashkëpunim me Benjamin “Benny Blanco” Levin, Mikkel S. Eriksen dhe Tor Erik Hermansen, është prodhuar Blanco, Eriksen dhe Hermansen nën emrin StarGate. “Diamonds” u transmetua për herë të parë më 26 Shtator 2012 gjatë Elvis Duran and the Morning Show dhe u publikua një ditë më pas. “Diamonds” është një baladë pop me influencë nga muzika soul dhe ajo elektronike. Ajo mund të konsiderohet si një largim nga lidhjet dashurore problematike që kanë qenë mëse të pranishme në singëllat e mëparshëm të artistes.
Komentet e kritikëve për këtë singëll kanë qenë miks: disa e komplimentojnë këtë drejtim të ndryshëm të Rihanna-s e disa të tjerë e kritikojnë bindshëm krijimin.
Gjithsesi kënga ka mbërritur në vendin e parë të klasifikimit muzikor në Francë, Skoci dhe Britani e gjithashtu është futur në Top dhjetëshen e klasifikimeve muzikore të 19 shteteve të tjerë, përfshirë Australinë, Kanadanë dhe Gjermaninë. Gjithashtu DIAMONDS është renditur në vendin e 8-të në klasifikimin prestigjoz amerikan Billboard Hot 100 dhe në vendin e parë në Hot R&B/Hip-Hop Songs. Artistja ka përfunduar tashmë edhe xhirimet për videoklipin e këngës, të cilin sigurisht me zorr po presim t’a shohim.
[youtube=http://youtu.be/lWA2pjMjpBs&rel=0&showinfo=0]
