Këngëtarja e re R&B ka lindur në Alford të Skocisë në 1987-ën dhe ka qenë zbulimi i vitit 2011 e ka pasur shumë elozhe nga shtypi, publiku dhe kolege të kalibrit Adele dhe Alicia Keys. Karriera e saj nisi pikërisht duke shkruar këngë për artistët: Alesha Dixon, Chipmunik, Professor Green, Devlin, Preeya Kalidas, Cheryl Cole dhe Tinie Tempah. Në 2009-ën shkroi singëllin e parë për reperin Chipmunk "Diamond Rings" që arriti të pozicionohej në vendin e 6-të të klasifikimit britanik të singëllave. Pasi realizoi bashkëpunime të ndryshme si autore apo dhe si e ftuar në 2010-ën mbërriti kontrata me EMI Music. 5. (music) SIngëlli i parë i Emeli Sandé ishte ai me titull "Heaven", dhe është renditur në top 10-en e këngëve më të play-uara nga radiot. Më 3 shkurt do të publikohet singëlli i dytë i saj "Next To Me". Midis këngëve të albumit të saj të parë renditet edhe ajo me titull "Hope", të cilën e ka bashkë-shkruar dhe interpretuar me Alicia Keys. Kjo e fundit ka deklaruar: “U impresionova shumë nga Emeli, është një artiste e shkëlqyer. Kemi shkruar diçka së bashku për albumin tim të ardhshëm. E adhuroj stilin dhe flow-n e saj kaq të gjallë “. Ndërsa Adele pas performancës së Emeli në Jools Holland, kish postuar statusin: ” Sa e jashtëzakonshme që është”. Mes bashkëpunimeve të kohëve të fundit të Sandé figuron edhe ajo më Professor Green për këngën "Read All About It", këngë për versionin Italian të së cilës reperi anglez ka zgjedhur zërin e Dolcenera-s.
