E ftuar në emisionin e përditshëm You & Me në NRG Radio me Julkën dhe Arjonin ishte E Bukura e Dheut (siç e quajmë ne), aktorja, ish-Miss Globe dhe së fundmi prezantuesja e “Dancing With The Stars”, Almeda Abazi.
Pasi na rrëfeu për dashurinë e saj, aksidentin në Turqi me bashkëshortin Tolgahan Sayışman, akuzat për operacionet plastike, planet për një fëmijë etj, etj, Alemda na rrëfeu edhe një të metë të bashkëshortit të saj, aktorit të famshëm turk, Tolgahan Sayışman.
Ai mund të jetë i dashur, i bukur dhe joshës, por kur bëhet fjalë për punët e shtëpisë dhe rregullin, nuk ia thotë fare.
“Është shumë rrëmujaxhi! Shumë, shumë… Unë jam tip shumë i rregullt dhe jemi shumë ndryshe në këtë aspekt. Unë rregulloj [shtëpinë] me shumë kujdes, ai vjen edhe e prish. Nuk e bën për inat, ashtu ka tipin”, shprehet e pakënaqur Almeda.
Megjithatë, duhet të themi se (për fat të mirë) është një e metë e vogël.
