Ylli i Hollivudit Will Smith publikoi albumin e tij të parë në dy dekada, të titulluar “Based on a True Story”. Përbëhet nga 14 këngë dhe përmban edhe disa bashkëpunime me emra të tjerë të muzikës.
Aktori, reperi dhe producenti amerikan ka nxjerrë së fundmi këngët “First Love”, “Works of Art”, “You Can Make It” dhe “Beautiful Scars”.
Përpara se të publikonte albumin, Smith njoftoi se do të niste turneun e tij të parë në mbarë botën në Mbretërinë e Bashkuar, Marok dhe Evropë këtë verë.
Rikthimi i Smith në muzikë ka ngjallur entuziasëm tek fansat e tij, por nuk dihet se si do të përgjigjet publiku pas një pauze kaq të gjatë nga karriera muzikore.
Albumi i tij i ri përfaqëson një kapitull kyç si në rikthimin e tij muzikor ashtu edhe në atë personale pas incidentit në Oscar të vitit 2022, ku ai goditi me shuplakë komedianin Chris Rock për një shaka për gruan e tij, Jada Pinkett Smith.
