Pavarësisht se shpresat po shuhen për njerëzit që ndodhen nën rrënoja, ka ende persona që po nxirren të gjallë pas kaq shumë orësh.
Pesë ditë që nga lëkundja e parë me magnitudë 7.8 që goditi Turqinë në orët e para të mëngjesit të së hënës, njerëzit ende po nxirren të gjallë nga rrënojat.
Një grua shtatzënë dhe vajza e saj e vogël u nxorën me barelë nga një ndërtesë e rrafshuar në qytetin turk të Gaziantep, pasi mbijetuan për 115 orë.
BBC shkruan se shumë njerëz që janë shpëtuar në zonat e goditura nga tërmeti në Turqi pas 110 orësh.
Tërmeti që goditi rajonin pranë kufirit mes Turqisë dhe Sirisë, tashmë ka marrë jetën e më shumë se 24 mijë personave. Ky rajon është shtëpi e 13.5 milionë njerëzve. Shifrat e reja, të cilat çdo ditë po rriten, përfshijnë mbi 19.888 njerëz të vdekur në Turqi dhe më shumë se 3.500 në Sirinë tashmë të shkatërruar nga lufta civile. Gjithashtu, dhjetëra mijëra njerëz u lënduan.
Edhe pse ekspertët thonë se njerëzit mund të mbijetojnë për një javë ose më shumë, shanset për të gjetur të mbijetuar në temperaturat e ulëta, po zbehen.
