Së fundmi, Paris Hilton ka qenë kryefjala e lajmeve në mediat rozë pas propozimit romantik dhe unazës së mrekullueshme prej diamanti që i dhuroi partneri i saj Chris Zylka.
Pak ditë më parë lajmëruam se ajo ka punësuar roje për të mbrojtur këtë unazë që me plot gojë mund të themi se është një thesar pasi kushton 2 milionë dollarë. Dhe duket miliarderja e famshme e ka mendjen vetëm tek unaza e martesës të cilën e shfaqi me krenari edhe në “Golden Globes”, pasi mbrëmë braktisi pa dashur të fejuarin e saj.
Teksa po dilte nga aeroporti i Los Angeles turma e gazetarëve i është vërsulur për ta pyetur rreth martesës kështu që me shumë nxitim ajo ka hyrë në makinën e saj dhe është larguar duke harruar Chris-in që po e ndiqte nga pas. E gjithë kjo ngjarje qesharake është xhiruar nga gazetarët që ndodheshin përreth ndërsa tani po bën xhiron e internetit.
Advertisement
Nuk kaluan shumë minuta dhe ajo është rikthyer për ta marrë të dashurin e saj të cilin e la në mes të rrugës.
