Kështu ka theksuar sot kryeministri gjatë një konference për energjinë, duke vënë theksin në potencialet ekzistuese për të siguruar energjinë nga uji, por edhe burimet e tjera alternative. Prandaj ai u bëri thirrje bankave, që të financojnë ndërtimin e hidrocentraleve në vendin tonë. “Janë projektuar të ndërtohen rreth 445 të tilla, ku 36 janë në rrugë e sipër. Por ftoj bankat që të marrin pjesë në financimin e tyre, si pjesë e rëndësishme e sistemit tonë bankar”, tha ai. Duke shtuar më tej, se qeveria është e vendosur që të adoptojë ligjet më të mira për energjinë e rivonueshme, si edhe t’i japë garancinë e duhur biznesit për zbatimin e saj. “Fokusimi te energjia e rinovueshme përputhet tërësisht me prioritetet më madhore të qeverisë shqiptare”, theksoi më tej Berisha. Duke pohuar se vendi ynë derdh në detrat e Mesdheut, 6 herë më shumë ujëra nga sa ka sipërfaqen e saj, edhe pse është vend malor. Më tej, kreu i qeverisë e vuri theksin te rezervat ujore, duke pohuar se potenciali i tyre i jashtëzakonshëm, duhet shfrytëzuar me çdo kusht.
