Organizata ndërkombëtare “Transparency International” e radhit Shqipërinë në “zonën e kuqe” të korrupsionit në sektorin publik, për 2014. Në të njëjtën renditje është edhe Kosova, Ekuadori, Etiopia dhe Malivia.
TI raporton se krahasuar nga një vit më parë, Shqipëria ka një përmirësim të lehtë, ndonëse ndodhet sërish në vendin e fundit të Evropës Juglindore. Në raport janë përfshirë 175 vende dhe Shqipëria për këtë vit është vlerësuar me 33 pikë, duke arritur të fitojë 6 pozicione dhe u renditur tashmë në vendin e 110 nga vendi i 116 që mbante vitin e kaluar.
Në po të njëjtën kuotë pikësh është vlerësuar edhe Kosova, duke u renditur gjithashtu po në vendin 110, dhe duke arritur të ngjitet vetëm me një pozicion krahasuar me 2013. Maqedonia është shteti që ka rezultate më të mira në rajon. Ajo ndodhet në vendin 64-t dhe më pas vjen Mali i Zi, Serbia dhe Bosnja që renditet në vendin e 80-të.
Danimarka ka dalë e para me 92 pikë, ndërsa Koreja e Veriut dhe Somalia ndodhen të fundit, me nga 8 pikë. Sipas Indeksit të Korrupsionit, Turqia ka shënuar rënie me minus 8 pikë, ndërsa Angola, Kina, Malavia dhe Ruanda me minus katër pikë. Përmirësim janë shënuar në Bregun e Fildishtë, Afganistan , Zvicër e të tjerë.
