Më shumë se 200 vullnetarë janë nisur nga Gjermania, që prej vitit 2013, për të luftuar kundër organizatës xhihadiste të Shtetit Islamik (ISIS) përkrah milicëve kurdë në Siri dhe në Irak, njoftoi sot Ministria e Brendshme gjermane.
”Nga ky kontigjent prej 204 luftëtarësh, 69 janë me shtetësi gjermane”, bëri të ditur një njoftim i Ministrisë në përgjigje të një çështjeje të ngritur në Parlamentar për këtë temë mjaft të ndjeshme, në mënyrë të veçantë për marrëdhëniet gjermano-turke.
Këto grupe prej 204 vullnetarësh janë bashkuar si qindra shtetas të tjerë të huaj Njësive të Mbrojtjes së Popullit Kurd (YPG), pjesë e rëndësishme e Forcave Demokratike Siriane, aleancë e mbështetur nga SHBA, por e konsideruar si terroriste nga ana e Ankarasë.
Ministria e Brendshme gjermane u shpreh se gjysma e këtij kontigjenti luftëtarësh janë rikthyer në Gjermani, përfshirë 43 që zotërojnë shtetësinë gjermane.
Berlini, duke i bindur për të ndryshuar mendje që t’i bashkohen një zone në luftë, nuk i pengon këta vullnetare të lënë territorin për të shkuar në Siri dhe vlerëson gjithsesi se kthimi i tyre në Gjermani nuk përbën asgjë rrezik për sigurinë, ndryshe nga ata që rikthehen nga zona nën kontrollin e islamikëve në Siri dhe në Irak.
