Heroi i ditës në Gjermani është bërë një 47-vjeçar shqiptar pasi ka shpëtuar fëmijët në një autobus shkolle të aksidentuar. Sipas Nwzonline.de refugjati shqiptar, Avni Mehana, i cili jeton në Butjadingen bashkë me djalin e tij ndodhej në autobus kur ndodhi aksidenti.
Pasi autobusi doli nga rruga, 47-vjeçari theu njërin xham të autobusit duke ndihmuar fëmijët të dilnin një nga një të sigurtë.
Autobusi me rreth 15 nxënës të shkollës fillore doli nga rruga në fshatin ndërmjet Langëarden dhe Ruhëarden. Por për fat të mirë përveç panikut të shkaktuar, asnjë prej fëmijëve nuk u lëndua.
Sipas policisë 47-vjeçari shqiptar pësoi disa lëndime gjatë operacionit dhe kishte sjellje shembullore.
Pavarësisht se në autobus ndodhej dhe shoferi gjerman 40-vjeçar, refugjati shqiptar tregoi shpirt human, shkruan Nwzonline.de
Fëmijët të shokuar e duke qarë u hipën mbi një autobus tjetër. Më pas u përdorën dy makina të rënda, një vinç e një traktor për nxjerrjen e autobusit të aksidentuar nga kanali.
