Sharon Stone mori një “surprizë të paharrueshme” pas operacionit të heqjes së tumorëve beninj në vitin 2001. Por nuk është ajo që ju mendoni…Dhe që në fakt as aktorja e njohur nuk e kishte menduar. 63-vjeçarja, po po Sharon Stone është 63 vjeç, ka rrëfyer në një intervistë për “The Times” se doktori i zmadhoi gjoksin pa dijeninë e saj, gjatë ndërhyrjes që supozohet të ishte jo-kirurgjikale.
“Kur hoqa fashët zbulova se gjoksi im ishte një masë më e madhe,”-tregon Stone, duke shtuar se kirurgu më parë i kishte sugjeruar se kjo madhësi shkonte shumë mirë me masën e ijeve të saj- “Ai më ndryshoi trupin pa dijeninë apo miratimin tim, ishte një eksperiencë shokuese”.
Më pas aktorja ritheksoi se kirurgu i ishte shpjeguar se ajo do të dukej më bukur me gjoks më të madh, e më të mirë.
