Ylli amerikan e ka bërë të ditur këtë detaj gjatë një interviste në talk-show-n britanik "Alan Carr's: Chatty Man". Znj. Germanotta ka thënë se ka filluar tashmë punën për pasuesin e BORN THIS WAY e se i ka vënë të dëgjojë një këngë Elton John-it për t’a kënduar së bashku: “I luajta një këngë që kam shkruar dhe i pëlqeu menjëherë, por nuk dua të zbuloj asgjë më tepër rreth kësaj”. Sigurisht që kjo nuk do të ishte hera e parë që këta dy artistë do të bashkëpunojnë, duke qenë se në të shkuarën kanë punuar për këngën "Hello Hello", pjesë e kolonës zanore të filmit "Gnomeo and Juliet". Të dy e kanë interpretuar këtë këngë edhe në ceremoninë e Grammy Awards. Lady Gaga dhe Elton John, janë jo vetëm të lidhur profesionalisht, por janë dhe shumë miq të ngushtë, aq sa Elton e ka zgjedhur Gaga-n si kumbarën e të birit Zachary. Z. John së fundmi ka deklaruar se do të ndalojë së shkruari këngë pop, pasi për momentin nuk e ndjen që të konkurojë me Lady Gaga-n.
