Pas 14 vitesh pritjeje, fansat do të mund të ndjekin vazhdimin e aventurave të modelit Derek Zoolander.
Tashmë është publikuar trailer-i i filmit “Zoolander 2”, ku vec dy protagonistëve, Ben Stiller dhe Owen Wilson, shohim edhe shumë personazhe të tjerë të njohur.
Për dy modelët, Derek dhe Hans, duket se ditët e shkëlqimit kanë mbaruar, ndërsa i shohim të detyruar të pranojnë punë “të turpshme” vetëm për të qëndruar në botën e modës.
Dy yjet kontaktohen nga një organizatë sekrete, e cila drejtohet nga Penelope Cruz, të cilën ata angazhohen për ta ndihmuar.
Detyra e tyre është të gjejnë dhe ndalojnë një vrasës misterioz i cili duket se ka në objektivin e tij vrasjen e njerëzve më të bukur të botës.
Në trailer shfaqen edhe Justin Bieber, Usher, Miley Cyrus dhe Demi Lovato.
Po ashtu do të shohim edhe aktorin Benedict Cumberbatch në rolin e top modelit me emrin All, si edhe Will Ferrell në rolin e kriminelit Mugatu.
