Kanye West ka reaguar pas performancës aspak të mirë në “Billboard Music Awards”, të mbajtur pak ditë më parë.
Në një njoftim të shpërndarë për mediat, rreperi tha se kënga e tij u censurua në ekstrem, ky ishte dhe shkaku se përse kishte më shumë “beep” sesa tekst.
Kanye tha se për shkak të kësaj censure nga ana e organizatorëve të këtij eventi, rrjetit ABC dhe “Dick Clark Production”, zëri i tij dhe performanca u prezantuan shumë keq në publik.
Siç shkruan Huffingtonpost, në deklaratën e tij, West shprehet tepër i mërzitur dhe i fyer nga ky veprim, ndërsa e konsideron qesharake këtë censurë në vitin 2015.
Kanye performoi “All Day” e “Black Skinhead” dhe një pjesë e mirë e audios u censurua nga ABC, ndërsa performanca e tij u konsiderua si tepër e dobët nga kritika dhe fansat.
