Këtë përfundim e ka arritur një studim ndërkombëtar me titull TE GJITHË TË ÇMENDUR PAS FUTBOLLIT mundësuar nga Heineken. Në Itali futbolli është argumenti i parë për të cilin flitet mes miqsh (78%) përkundër 56% argumenti i femrave që renditet në vendin e dytë dhe 37% argumentit “punë” që renditet në vendin e tretë. Por kuptohet që pasioni i meshkujve për futboll duke mundur dhe pasionin për femrat nuk është një fenomen thjesht italian por mbarëbotëror. Sondazhi i mbështetur nga Heineken si një nga sponsorët e CHAMPIONS LEAGUE i ka dhënë nga një “karton të kuq” femrave që nuk janë mendimi i parë i meshkujve kur ata takohen më njëri-tjetrin.
Sondazhi është realizuar nga OnePoll dhe u bazua në një kampion me 5 300 meshkuj nga 15 vende të ndryshme, të moshave 25 – 40 vjeç. Kinezët (94%) dhe Rusët (93%) e shikojnë futbollin si argumenti më i rëndësishëm për të diskutuar. 10 Argumentet më kryesore për meshkujt rezultuan të ishin: futbolli (88 %), femrat (45%), puna (34%), makinat (19%), mbrëmjet e argëtimit (18%), familja (16%), ushqimi (14%), pushimet (10%), filmat (10%).
Kemi përshtypjen se në studim nuk janë marrë në konsideratë meshkujt shqiptarë, sepse në të kundërt do të ish futur si argument kryesor bisedash mashkullore dhe politika.
