Malësi e Madhe – Mbyten nënë e bijë për të shpëtuar njëra tjetrën

Vajza 9-vjeçare ka rënë në rezervuar, ndërsa nëna e saj ka rendur për ta shpëtuar kur vuri re se vajza e saj nuk po dilte dot prej tij. Mësohet se viktimat mbajnë përkatësisht emrat Nexhmije Hyka, 39 vjeç dhe Esmeralda Hyka, 9 vjeç; të dyja nënë e bijë nga fshati Vorfe i komunës së Gruemirës nga Malësia e Madhe. “Ngjarja ka ndodhur aksidentalisht, pasi vajza ka shkuar për t’i dhënë ujë lopës dhe ka rrëshqitur në ujërat e rezervuarit, ndërsa nëna ka shkuar për t’i dhënë ndihmë vajzës së saj, duke humbur që të dyja jetën me mbytje në rezervuar”, saktëson zyrtarisht njoftimi i policisë rreth kësaj ngjarje. Ndërsa thuhet, se vetëm pak minuta më parë, dy trupat e pajetë janë nxjerrë prej rezervuarit nga forcat policore dhe materialet në lidhje me ngjarjen në fjalë, iu kaluan prokurorisë së Shkodrës për veprime të mëtejshme.