Eva Longoria do që të dini se ka ngrënë pa fund gjatë pushimeve. Aktorja 42-vjeçare ka mohuar lajmet mbi një shtatzani të mundshme të saj. Shkas u bë një foto e bërë këtë javë në Honolulu të Hauait, ku në fakt barku duket i rrumbullakosur.
“Pashë disa foto të vetes time me vërtetë e shëndoshë në një varkë. Dua të them që gjithçka që bëra ishte se hëngra djathë”, u thotë ajo ndjekësve të saj në Snapchat, mes të qeshurave.
Fotot e të hënës u bënë virale në internet duke spekuluar se ajo dhe bashkëshorti prej një viti, Jose Baston janë në pritje të fëmijës së tyre të parë.
“Të gjithë po thonë se jam shtatzënë por nuk jam, thjesht jam intolerante ndaj laktozës. Më duhet ta them këtë sepse e gjithë familja ime po më telefonojnë e po më pyesin nëse jam shtatzënë. Po, duket sikur jam shtatzënë, por ishte thjesht faji i djathit, një top djathi në stomakun tim”, ka thënë Eva duke ecur në plazh.
