Linda Rei mbështet Fiori Dardhën: Fjalët e tua janë edhe të miat

Nuk ka munguar reagimi i Linda Reit pas konfirmimit të largimit të moderatores Fiori Dardha nga spektakli “Dance with me” .

Pak kohë më parë edhe Linda u largua nga spektakli e madje pati shumë ankesa përsa i përket produksionit. Mbrëmjen e djeshme, ajo ka publikuar në Insta Story një foto të shkëputur nga video e largimit e rikthimit të Fiorit në skenë dhe bashkangjitur me të ka shkruar “Jo për gjë, kam respekt dhe të admiroj! Fjalët e tua pak a shumë janë edhe të miat, nuk e di i kujt është faji, por njerëzit që janë të realizuar në jetën e tyre nuk ndjejnë kënaqësi dhe kanë dëshirë të largohen nga ky spektakël pa respekt ndaj njerëzve”.