Rezar Bineri, 55 vjeç, raportohet se ka kryer seks me dhunë me fqinjën skizofrene, 39-vjeçaren A.Myrtaj, dhe akti është zbuluar nga motra e saj, e cila menjëherë ka vënë në dijeni policinë.
Burime nga policia bënë me dije se personi në fjalë është elektricist dhe se ai kishte kopjuar çelësin e shtëpisë së gruas me probleme mendore dhe futej vazhdimisht atje kur gjente mundësinë për të kryer marrëdhënie seksuale me forcë me të.
Motra e të abuzuarës e ka zbuluar rastin, pasi ka parë se motra e saj kishte ngelur shtatzënë.
Ndërkohë që bëhet me dije se Bineri në polici ka thënë se ai kryente vazhdimisht marrëdhënie seksuale me A.Myrtaj që prej 5 vitesh dhe futej në shtëpi kur motra tjetër nuk ndodhej atje.
Por Bineri ka thënë se ai nuk ka kryer marrëdhënie me dhunë, por me dëshirë me të, pasi ajo i kishte thënë se nuk mund të bënte fëmijë.
Policia ka vënë në pranga Binerin, i cili akuzohet për kryerje marrëdhëniesh seksuale pa dëshirë ndaj personave të pambrojtur.
