Hilary Duff “i ka dhënë duart” zyrtarisht bashkëshortit të saj prej katër vitesh Mike Comrie.
Pasi kanë jetuar të ndarë për një vit, aktorja tashmë ka plotësuar dokumentat e divorcit.
Sipas lajmit që ka shpërndarë TMZ, Duff ka dhënë si shkak mospërputhjen e karaktereve si dhe ka kërkuar të jetë kujdestarja kryesore e djalit të tyre Luca, që muajin e ardhshëm bën 3 vjeç.
Lajmi i zyrtarizimit të divorcit vjen pasi Comrie, sipas raportimeve, ka kaluar një natë duke pirë në clubet e Beverly Hills, ku thuhet se edhe ka ngacmuar kamarieren e restorantit “Mastros”.
Sipas TMZ, Duff dëshiron që ish-bashkëshorti të ketë të drejtë të takoje të birin, por megjithatë është e shqetësuar sa i përket party-ve të tij.
Edhe pse të dy jetonin të ndarë, nuk mendohej se divorci shihej si mundësi, veçanërisht pasi çifti është parë disa herë bashkë në sjellje mjaft të afërta.
