M.I.A ju bashkua këngëtares në skenë si vokaliste e ftuar, por i shokoi shikuesit kur ngriti gishtin e mesit teksa këndoi frazën "I don't give a s**t," nga kënga GIVE ME ALL YOUR LUVIN. E ndërsa incidenti pushtoi faqet e para të shtypit në mbarë botën, Madonna nuk është aspak e kënaqur pasi duket se është tërhequr vëmendja nga performanca e saj. “Madonnës nuk i pëlqeu gjesti. Ajo është shumë profesionale. M.I.A nuk ka bërë asgjë të tillë në prova e askush nuk e dinte se do t’a bënte live. Madonna donte të bënte një performancë elektrizuese, por tani, të gjithë ngelën duke folur për gishtin e mesit të kësaj vajze”. Ndërkohë një burim tjetër ka thënë se M.I.A (emri i vërtetë Mathangi Arulpragasam) u rrëmbye nga atmosfera e adrenalina. “Ajo nuk po mendonte fare. Ajo thjesht u përfshi shumë nga momenti dhe i vjen vërtetë keq”,- ka thënë një burim tjetër. Thuhet se këngëtarja mund të përballet edhe me ndonjë gjobë për veprimin, sepse ka nënshkruar një kontratë ndaj e bën subjekt penaliteti. Kujtojmë se kur ndodhi një problem me performancën e Janet Jackson (ju zbulua gjoksi pasi ju gris xhaketa që kish veshur) ju vu një gjobë prej 350.000 Pound.
Ndërkohë albumi i ri MDNA i Madonna-s është renditur në vendin e parë të shitjeve në iTunes-in e 49 vendeve. Gjithashtu thuhet se singëlli i parë po ngjit shumë shpejt klasifikimin e radiove. Ja disa shifra në lidhje me këtë prodhim të ri të Madhërisë së saj Madonna-s:
– Është renditur pothuajse në vendin e 24-t në klasifikimin Pop Songs chart Billboard në vetëm tre ditë pas publikimit.
– Është pozicionuar direkt në vendin 33 në Rhythmic airplay chart
-Është pozicionuar direkt në vendin e 35 në Adult Pop Songs chart
– Është pozicionuar në vendin e 20-të në Dance/Mix Show Airplay chart
– Kënga po transmetohet në 125 radio nga 141.
Sigurisht që kemi bindjen se këto shifra do të rriten shuuuuumë shpejt… Për momentin ju lemë në shoqërinë e performancës madhështore të Madonna-s. Mos harroni të shihni edhe ju me vëmendje gishtin e mesëm të M.I.A. 🙂
