A mund të vihen bashkë Lady Gaga dhe Susan Boyle në një këngë? Gjatë një interviste për The Sun, Lady Gaga ka thënë: ”E dashuroj Susan Boyle. Për mua ajo është femra e vitit. Ka arritur në një vit shumë më tepër se sa arrijnë artistë të tjerë gjatë gjithë jetës së tyre. Do të ishte madhështore të punoja me dikë që ka një talent të tillë”. Kaq ka mjaftuar për t’i bërë të gjithë të flasin për këtë mundësi bashkëpunimi. Kujtojmë se Gaga ka kryesuar klasifikimin britanik me POKER FACE si singëlli më i shitur i vitit, ndërsa Susan Boyle ka kryesuar shitjet me albumin e saj “I Dreamed a dream”. Sigurisht që shitjet do të ishin të shumta. Më kurioze akoma do të ishte fakti nëse Boyle do të bëhet ndopak si Lady Gaga në stil?
Advertisement
