Ecuria në kampionat nuk reflektohet aspak në Champions League. Real Madrid tregoi edhe njëherë se është skuadra për t’u thyer kur bëhet fjalë për turneun më magjik të UEFA-s.
Mbretërorët hodhën një hap të sigurtë drejt raundit gjysmëfinal, pas fitores 2-0 në duelin e parë çerekfinal ndaj Chelsea. Sfidë e zgjidhur nga i përhershmi, Karim Benzema, që shënoi golin e 18-të personal në këtë vit kalendarik.
Realizim që i hapi udhë menaxhimit të rezultatit nga ana e Realit, deri tek goli i dytë i Asensios. Spanjolli dyfishoi dhe i jep një gjysmë bilete për në turin tjetër kampionëve në fuqi të kompeticionit.
Fitore me tepër polemika shënoi Milani, 1-0 përballë Napolit. Kuqezinjtë konfirmohen të frikshëm këtë sezon, duke thyer kundërshtarët dhe krijuar tension tek jugorët. “Gjyqtari kryesor duhet të kishte ndëshkuar me karton Leaon, i cili shkatërroi flamurin e këndit.
Një gjest aspak i mirë për tifozët dhe për ata të rinj që na ndjekin nga shtëpia” pranoi mes të tjerash, trajneri i Napolit, Luciano Spalletti.
