Selena Gomez dhe Justin Biber ishin një nga çiftet më të pëlqyer të showbizit, sidomos nga të rinjtë.
Por, lidhja e tyre nuk zgjati shumë, pasi në shkurt të vitit 2016 çifti simpatik vendosi të ndahej. Disa muaj më vonë këngëtarja bukuroshe u pa në krahët e një tjetër këngëtari, The Weeknd. Lidhje kjo e cila mendohet se vazhdon ende dhe sot e kësaj dite, dhe pse nuk janë shfaqur më në publik bashkë.
Megjithatë kohët e fundit mediat po “ziejnë” duke folur për një ribashkim të Selenës me Justin. Këto dyshime kanë lindur pasi ish-çifti i njohur është parë në një restorant në SHBA, ku kanë ngrënë bashkë mëngjesin fundjavën që lamë pas. Sipas fotove të siguruara nga “TMZ” dy këngëtart shfaqen mjaftë të afërt.
Bieber u përpoq të fshihej duke vënë një kapuç, kurse Selena kishte zgjedhur të shfaqej hapur. Kjo është e disata herë që Justin dhe Selena shihen bashkë, por Abel (The Weeknd) nuk shihet gjëkundi. Madje, as natën e së dielës së kaluar, ku Bieber qëndroi deri në mesnatë, The Weeknd nuk u pa fare rreth e rrotull.
Por, pavarësisht se në kemi zakon të flasim para kohë, nuk mund të harrojmë dhe mundësinë e një bashkëpunimi të dy këngëtarëve për ndonjë këngë të re.
